Himilada Boggagan

Web site kani waa fikrad cusub oo ay isku dubbariday xafiiska beesha Somalida ee Haringey (HSCCA). Marka laga eego dhinacyo badan oy ka mid yihiin, dulucda farriinta uu sidaa, muuqaalkiisa iyo dadka uu doonayo inuu u adeegaba, Web site kani kii ugu horreeyey ee noociisa ah.

Ujeedada web site kani waa inuu noqoda meesha ugu horraysa ee wararka, macluumaadka iyo taladaba loo soo raadsado. Wararka iyo macluumaadka uu sidu web site kani waa kuwo si heer sare oo si sax ah loo soo uruiryey ama dheegtay. Arrimaha uu ka hadalayona waa kuwo khuseeya ama dan u ah ummadda somaliyeed iyo dadka kale ee la shaqeeya ama doonaya inay wax ka ogaadaan arrimaha somalida. Waxa ka oy ka shaqaynaysaa sidii is faham iyo isu soo dhawaasho looga dhex dhalin lahaa somalida iyo dadyowga kale.

Web site kani waxa uu hiigsanayaa ama doonayaa inuu ku wargeliyo bulshada somalida ah xuquuqdooda iyo inuu ka dhex dhaliyo war kala qaadasho iyo is fahmid somalida iyo dadka adeegga u fidiya. Web site kani waxa uu u hiigsanyaa inuu ku dhiiriyo somalidu inay waxa ku darsadaan isku dubbaridka ama qorshaynta iyo hirgelinta mashaariicda ama adeegga loo fidiyo Somalida.

Adeegyada Web-site kan aad ka heli kartid

Web site kani waxa aad ka helaysa warar ama macluumaad ku qoran af somaliga iyo af ingriisi oo ka hadlaya dhinacyo fara badan, ayna ka mid yihiin lacagaha ay dowladdu dadka dakhligooda ku kaabto (welfare benefits), caafimaadka, shaqooyinka, waxbarashada iyo tababarada, guryaha, socdaalka ama dal-gelista iyo macluumaad kale oo ka caawin kara sidii ay Somalida dalkan Boqortooyada horumar uga gaari lahayd. Waxa kale oo web site kan loogu talo galay inuu noqdo mee laga helo warbixinaha ama daraasadaha laga sameeyey somalida iyomeel ay somalida isku dhaafsato aaraada kuna kala war qaadato (resource centre and discussion forum).

Web site kani waxa kale uu ku talo galay inuu noqdo mee maalin iyo habeen ka warar wax tar u leh nolol maalmeedka somalida. Sida xafiisyada lama xidho oo qofka war ama talo u baahdo waqtiga uu doono ee isga u sahlan ayuu geli karaa kana qaadan karaa waxa uu u baahan yahay.